المقدمة
أراء طبية حرة
شعر
قصة قصيرة، حكايات طبية
أقلام حرة
أسئلة متنوعة و متكررة
في رثاء الراحلين
حقوق الانسان بالاسلام
فن و موسيقا
روائع نزار قباني
قصص اطباء عانوا من نظام الاسد
رياضة الغولف Golf
من التراث العربي
قصص من تراث اللاذقية
مخطط الموقع
باب قصص اطباء عانوا من نظام الاسد - الصفحة (8) - كل ما لا علاقة له بالطب - منوعات
حصل في مشفى ابن النفيس
طبيب لم يرغب بكتابة اسمه
السلام عليكم جميعا زملاء اسف اني عم انشر مجهول الهوية بس بدي اخد رأي بال2018 كنت مقيم بمشفى ابن النفيس وجابولنا شب معتقل مصاب بطلق ناري بالفخذ للفحص عندها اتى الطبيب الاختصاصي شافو وسئلو انت من وين ؟ رد الشب بصوت ضعيف.. جوبر فجأة بصوت عالي صاح الطبيب واسف على الكلامات : (طبعا ولك انتو عر### وانتو خربتو البلد وانتو تبعتو بناتكن ونسوانكن لحتى ##### وتقبضو مصاري ) رد الشب بصوت ضعيف متعب:( لا والله ياسيدي انا اخدوني بس لاني مصاب ..لا يا سيدي لا والله سيدي ) ماكتير فهمت الكلمات الي قالها الشب غير سيدي سيدي سيدي سيدي تابع الدكتور ( ولك انتو تعفشو وتسرقو وتنهبو وتقبضو مصاري من برا وتتهمو الجيش ...هلا لازم تنزل اية قرءانية جديدة /استغفر الله من هذا الكلام / ولازم تقول الاية ان المعفشون اخوان الشياطين وكان الشيطان لربه كفوراااا /) قالها باستهزاء وبصوت عالي شديد وكل من في الجناح لا يستطيع ان يهمس ...عناصر للامن بكل مكان محاطين بالشب المعتقل تابع صراخ الطبيب .... يالله ياالله فحصوه وخلي يمشي !! انا وقتها كنت جديد عالمشفى واجيت من مشفى المجتهد بقيت شهر ونص ب ابن النفيس وتركت الى الان اتذكر الموقف وكل ما تذكرت تدمع عيني لان ماعملت شي او ماقدرت اعمل شي وسئلت زملائي بالقسم ليش عمل. هيك قالولي مجنون انتبه منو .. ماقدرت اتعامل معو ولا قدرت اتقبلو اطلاقا وحس بهالشي وبالعمليات بدون سبب صرخ عليي تعا .. وانا جيت .. قلي اربطلي روب العلميات ربطت ...( انت هاي شغلتك وبس ) سكتت بعد بيومين تركت المشفى الطبيب اتوقع لسا بمشفى ابن النفيس ....انا عن نفسي اشهد الله اني مسامح عالاهانة تبعي .. لكن الموقف بحق الشب المعتقل لا انساه وباذن الله بدي اخدردلو حقو ولو اني حتى اسمو مابعرفو فقط كان الاسم مجهول رقم ما الاجراء الافضل برايكم ؟ واذا بدي قدم شكوى بسبب الموقف وممكن زملائي كانو معي بللقسم يشهدو ويتذكرو فشو الاجراء ..؟ ارائكم زملاء
الحقوق محفوظة طبيب الوب 2014 ©
http://tabib-web.eu - http://www.tabib-web.eu
